Segjum upp stressi og kvíða með skipulagi og litum!

Ómæ lordí lord! Það er kominn 1.desember. Sem að þýðir að það eru tæpar 3 vikur í jól! Próf framundan hjá mér og allt of mörgum. Hvernig í ósköpunum á ég að geta haldið utan um þetta allt og passað upp á að ekkert gleymist! Desember er sprengju mánuður. Það gerist allt of margt í desember. Þannig að gott er að vera skipulagður. Ég er þannig að ef ég hef of mikið á minni könnu án þess að hafa góða yfirsýn yfir verkefni dagsins að þá fel ég mig frekar undir sæng heldur en að demba mér í verkefni dagsins! En ef ég sest niður og skrifa niður á blað nokkra punkta, jafnvel bara mikilvægustu hlutina. Þá hjálpar það mér af stað. Þannig finnst mér ég sigra lífið! 

Mér finnst algjör hápunktur þegar fólk sendir mér skilaboð á Snapchat eða Facebook og til að segja mér að ég hafi haft góð áhrif á það með hversu opinskáan og jákvæðan máta ég tala um mín andlegu veikindi. Það gerir mig svo glaða og gefur mér tilgang til þess að halda áfram að snappa eða blogga. Mér finnst eitthvað svo núll tabú að vera geðveik. Kannski þar sem ég hef óvenju mikinn húmor fyrir sjálfri mér og elska einum og mikið að vera smá cray cray týpan! #noshame!

Fyrir meira en ári hefði ég ekki verið að skrifa þetta blogg. Þar sem ég ég var of upptekin við að gera líf mitt eins einfalt og mögulegt var. Það eitt að vakna fyrir hádegi, fara í sturtu og halda mér vakandi út daginn var stórt verk út af fyrir sig. Hvað þá þegar ég þurfti að bæta við hlutum eins og skóla, vinnu eða að fara út í búð.

Fólk er forvitið að vita hvernig ég fór frá því að vera stelpan sem að gat ekki vegna andlegs ástands farið út úr húsi eða mætt til  vinnu .(Síminn var alltaf á silent og forðaðist ég almennt að hitta vini mína.)  Fór í það að vera all over social media og ófeimin og opinská. Í dag er ég meira að segja flutt til Spánar og byrjuð í dýralækningum með barn á leiðinni! 

Ég er með eitt súper dúper ráð! —> Geðlyf, allan daginn geðlyf og nóg af þeim. Ok, kannski ekki fyrir alla. En ef þú ert jafn skrítinn einstaklingur og ég þá mæli ég svo mikið með réttum lyfjum í samráði við lækninn þinn. Ef þú ert ekki kandidat í geðlyf þá mæli ég mjög mikið með að taka D vítamín og Lýsi. Þá getur þú ímyndað þér að þú sért að taka geðlyf og hugurinn kemur manni oft miklu lengur en hálfa leið og það er ekkert djók!

Núna hlaupa allir til og panta tíma hjá lækni. En ef þið ætlið að vitna í mig, munið þá að ég er geðveik og tek enga ábyrg á því sem að ég skrifa.En besta ráðið sem ég get gefið ykkur er að einfalda líf ykkar áður en þið ætlið að flækja það um of. Það er það sem bjargaði mér.

Það er að gera lista. Skipulag, skipulag, skipulag. Það einfaldar lífið svo um munar. Skipulag er kannski ekki fyrir alla. Fyrir mér fellst gott föstudagskvöld í hvítvíni og ,,plana lífið”. Það er orðið sem ég nota þegar ég sest niður og skrifa lista um ALLT sem að mig langar að gera í heiminum. Frá því að þvo fötin mín, hvað ég ætla kaupa í búðinni og hvað og hvernig ég ætla að klára heimanámið mitt.

Listinn sem ég geri í dag er ekkert svo ólíkur þeim sem ég gerði í janúar 2015 eða fyrr á þessu ári. Ég er enn með litlar ,,To do” minniblokkir út um allt og penna í 5 litum er ekki að finna langt frá. Ég held mig alltaf við sömu rútínu. Rétt áður en ég fer að sofa. Þá gríp ég penna og blað og skrifa upp beinagrind fyrir morgundaginn. Því fleiri litir því betra. Fyrst um sinn skrifaði ég bara hluti sem voru nauðsynlegir eins og; að vakna, fara í sturtu og búa um rúmið. Ég byrjaði því á hlutum sem að ég vissi að ég myndi ná að krota yfir á listanum mínum. Með þessari aðferð var ég að læra brjóta ekki sjálfa mig niður með að setja mér óraunhæfar kröfur. Einnig finnst mér hjálpa mikið að setja skrifa 1,2 eða 3 fyrir framan hvern minnispunkt. Táknar 1= eitthvað sem að ég verð að gera. 2=hlutur sem að mig langar að gera en mætti bíða fram á næsta dag og hlutur nr 3= er eitthvað sem að mig langar að gera þegar tími gefst. Hvort sem það er eitthvað fyrir mig sjálfa eða hlutur sem mig langar að klára fyrir ákveðinn tími með góðum fyrirvara.

Ástæðan fyrir því að við verðum kvíðin eða stressuð er að okkur finnst við ekki hafa fullkomna stjórn á þeim astæðum sem við erum í. Við erum ef til vill búin að taka að okkur allt of mikið af verkefnum en svo þegar kemur að því að klára þau áttum við á okkur að það er ekki gerlegt fyrir eina manneskju að ljúka þessu öllum innan þess tímaramma sem við höfðum sett okkur.

Eins og þið sjáið þá er skipulag góði vinur ykkar. Ég hlakka til að sjá ykkur senda mér fleiri myndir á Snapchat af ykkar útfærslum. Þið munið svo að ég lifi fyrir komment, like og share!! Límmiðar eru líka algjör gleði! Maður þarf ekki að vera 8 ára til að verðlauna sig með krúttlegum límmiða til að toppa daginn í dagbókina :*

-Hrefna Líf Fabjúlöss Skipulagsperri

Snapchat & Instagram: hrefnalif

Auglýsingar

Skrifaðu athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s